香港三字經

[rylee_law]

香港三字經

人之初　－　口多多(童言無忌，口不擇言。)

笑騎騎　－　放毒蛇(笑裡藏刀也。)

馬照跑　－　女照搞(九七年之後，香港保留資本主義制度，五十年不變。)

舞照跳　－　雞照叫

知少少　－　扮代表(貪功認叻。)

冇幾耐　－　扮大袋(大袋是香港的粗俗語，意謂大人物也；此句是沙塵囂張咁解。)

牙斬斬　－　死得慘(禍從口出。)

眼眨眨　－　扮花旦(雖無過犯，面目可憎之輩。)

聲大大　－　冇貨賣(言過其實。)

眼大大　－　易學壞(青春少艾，容易誤入歧途。)

周身郁　－　扮忙碌(郁者，動也；講多過做。)

眼濕濕　－　扮憂鬱(貓哭老鼠。)

嘴藐藐　－　打得少(口花花，撩是鬥非。)

靜雞雞　－　認低威(衰衰地認錯。)

有早知　－　冇乞兒(世事難料。)

晨早知　－　中三T(三T，香港最多獎金的賽馬彩池。)

擔0登仔 －　霸頭位(驚死執輸。)

一張票　－　睇到笑(香港三級色情電影戲院買一張票可以整天任看。)

好好好　－　睇唔到(敷衍了事。)

繞埋手　－　晨早走(練精學懶。)

有得振　－　冇得0訓(大禍臨頭。振，顫抖也。)

搞搞振　－　冇幫襯(搞事破壞份子。)

側側膊　－　唔多覺(得過且過，求求其其。)

搏大霧　－　唔使做(使讀作洗；混水摸魚。)

包二奶　－　實聽拉(香港人回大陸偷情十分危險。)

0焦多件 －　0羅0黎賤(自己0羅0黎衰。)

有姿勢　－　冇實際(虛有其表。)